Sommartrim 23.06.15

Heggjavad - Huldrehaugen - Heggjavad

Så var det årest sommartrim som stod for tur. Det var 23 personar som stilte opp for å vera med på ein fin kveldstur. Været var sol, vin og litt overskya. Me køyrde til Heggjavad og parkerte bilane. Her hadde me ei flott utsikt over vossebygda. Så startaq me gåturen oppover lia mot målet som var "Huldrehaugen" her venta Bjørg Kari og Agnar med  rjomegraut og spekemat. Det smakte svært godt med graut etter at me hadde forflytta oss ca 300 høgdemeter. Etter grauten var fortært, stod skogskaffien med noko attåt klar. Dette smakte også svært godt. Me var no klar for returen, nedatt til bilane. Dette var siste turen før me tek sommarferie, så me vil då ynskja alle god sommar, og vel møtt til hausten, til mange fine turar.