Fjelltur 14.08.2016
Lauvdalen - Raudberget - Lauvdalen
Dagen kom med overskya vær og lågt skydekke, med skodde langt nedover fjellsidene.
Men det skremde ikkje dei 9 frammøtte, som ville på tur. Me køyrde til Steine og vidare innover til Lauvdalen, her parkerte me bilane og starta på turen inn og oppover fjellsida. Skodda låg langt nedover idag, men ikkje verre enn att me hadde god sikt på stien. Me kom opp til Raudberget, ved stølane, som var målet for turen. Her smakte det godt med kaffi og nistemat. Så gjekk me retur til bilane, og været letta meir og meir dess nærare me kom bilane.